唐伯虎曾為寧王效力？

之前阿史提及過明武宗時期寧王造反，而响《唐伯虎點秋香》電影裡面，就有唐伯虎唔肯去寧王度效力，仲因為要追秋香姐入咗華太師家中做下人，但史籍所載就唔係咁。

唐伯虎即唐寅，係明中葉時期嘅著名才子，更响曾响應天府鄉試中得第一名解元，不過响會試中就被誣告作弊，因而遭牽連被斥為民。而到咗後嚟，佢就得到一位權貴賞識，而呢位就唔係民間故事中嘅華大師，而係寧王朱宸濠。响正德九年（即公元1514年），寧王朱宸濠以重金請佢為其效力，而佢亦應寧王之請赴南昌效力半年有多，不過後嚟佢發覺寧王圖謀不軌，於是就佯狂使酒，露其醜穢，搞到寧王覺得好不堪，所以佢咁先得以脫身而歸。

所以，唐伯虎就唔係為追秋香而入華府，而係為重金厚幣而入寧王府。